இம்மழைக்காலம்
மேலும் பிணிசேர்க்கிறது
நிலமெங்கும் ஊறும் ஈரம்
கால்களை வயிற்றில் குறுக்கி
சுருண்டிருக்கிறேன்
சர்ப்பங்கள் இரண்டு
பாதங்களில் குடைந்து ஏறி
இடையில் ஓங்கி கொத்திவிட்டு
வயிற்றில் சுருண்டு முறுக்குகின்றன
போர்வைக்குள் சுழலும் வெப்பத்தில்
அம்மாவின் மடிச்சூடு
கொஞ்சமும் இல்லை
மற்றுமொரு திங்கள் என்று
நகரும் காலத்திடம்
எங்கனம் சொல்வேன்
சும்மாவேணும் கொஞ்சம்
அருகில் அமர்ந்திரு என்று.
*****
No comments:
Post a Comment